आपतकाल
एम्बुलेन्स: १०२
बेहोस, सास फेर्न गाह्रो, छाती दुखाइ, धेरै रगत, सर्पदंश, विष, कम्पन, स्ट्रोकका लक्षण: नपर्खिनुहोस्।
नजिकको आकस्मिक कक्ष (२४ घण्टा)
तपाईंको स्थान थाहा भएपछि नजिकको क्रममा देखिन्छ।
एम्बुलेन्स आउँदासम्म
सामान्य प्राथमिक उपचार: डाक्साप डाक्टरबाट समीक्षा हुँदै। तालिम लिएको छ भने त्यसैअनुसार गर्नुहोस्।
बेहोस छ तर सास फेर्दैछ
- कोल्टे पारेर सुताउनुहोस् (रिकभरी पोजिसन), घाँटी सीधा राख्नुहोस्।
- मुखमा केही नहाल्नुहोस्, खाना-पानी नदिनुहोस्।
- साथमै बस्नुहोस्, सास फेरिरहेको छ कि हेरिरहनुहोस्।
सास फेर्दैन, नचल्ने
- १०२ मा फोन गर्नुहोस् वा अरूलाई गर्न लगाउनुहोस्।
- छातीको बीचमा दुवै हातले बलियो र छिटो थिच्नुहोस् (मिनेटमा १००–१२० पटक), सहयोग नआउन्जेल नरोक्नुहोस्।
धेरै रगत बगेमा
- सफा कपडाले घाउमा बलियोसँग थिचिराख्नुहोस्।
- कपडा भिजे माथिबाट अर्को थप्नुहोस्, पहिलेको नहटाउनुहोस्।
सर्पले टोकेमा
- बिरामीलाई शान्त र स्थिर राख्नुहोस्; टोकेको भाग नचलाउनुहोस्।
- नकाट्नुहोस्, नचुस्नुहोस्, कसेर नबाँध्नुहोस्, झारफुकमा समय नफाल्नुहोस्।
- सर्पदंश उपचार हुने अस्पताल तुरुन्त जानुहोस्।
पोलेमा
- पोलेको भागलाई २० मिनेट सफा बगिरहेको सामान्य चिसो पानीमा राख्नुहोस्।
- बरफ, टुथपेस्ट, घिउ नलगाउनुहोस्।
- ठूलो, अनुहार वा गुप्ताङ्गमा पोले, वा बच्चा भए अस्पताल लैजानुहोस्।
विष वा धेरै औषधि खाएमा
- जबरजस्ती बान्ता नगराउनुहोस्।
- खाएको चीजको बट्टा, बोतल वा पत्ता साथमा अस्पताल लैजानुहोस्।